2º Edición_ Curso teórico práctico para a protección integral da liberdade sexual e da integridade moral no traballo (5h)

Esta insignia foi outorgada por completar o curso teórico práctico para a protección integral da liberdade sexual e da integridade moral no traballo de 5h de duración en liña, cumprindo os seguintes requisitos:

1. Asistir e participar activamente nalgunha das sesións en liña que se levaron a cabo o 09, 16 ou 30 de maio do 2023
2. Responder satisfactoriamente, polo menos, o 70% das cuestións expostas no test de avaliación do curso

Neste curso abordáronse as seguintes materias:

1.- Obrigacións empresariais de prevención e protección fronte ás condutas contra a liberdade sexual e a integridade moral no traballo:

1.1. O artigo 48 da LO 3/2007, para a igualdade efectiva entre mulleres e homes, e a súa reforma pola LO 10/2022, de garantía integral da liberdade sexual.

1.2. Implicacións da ratificación do Convenio 190 da OIT sobre violencia e acoso no mundo do traballo.

1.3. O tratamento destas condutas desde a perspectiva da prevención de riscos laborais.

2.-  Os protocolos ou procedementos para a prevención e tratamento das condutas contra a liberdade sexual e a integridade moral no traballo

2.1. Delimitación do ámbito obxectivo de aplicación dos protocolos: tipoloxía de condutas contra a liberdade sexual e a integridade moral que poden darse no ámbito laboral.

2.2. Delimitación do ámbito subxectivo dos protocolos: suxeitos activos e pasivos das condutas.

2.3.  Medidas preventivas

2.4. Procedementos de actuación

2.5. Medidas de apoio ás vítimas

2.6. Dereitos laborais das vítimas de violencias sexuais

3.- Tutela administrativa e xudicial da liberdade sexual e a integridade moral no traballo